الشعب اتقسم اتنين
والناس بقت نوعين
مش ذكر وأنثى بس
لكن عاقلين ومغيبين
والدم أصبح ماية
والقتل مش دفاع عن نفس
لو زاد العدد عن مية
ساعتها نقول تحقيق
وآخرنا نغير البروفايل
ونملى الستاتوس زعيق
ونكتب كلام كتير فى فايل
ونسميه شهادتى على أحداث الفنكوش
مانيش عارفمين بطل ومين وحوش
صفحتى فيها الف لايك
مش عيب لو كذبت عشان تكون ألفين
معاك قلم وماسك مايك
مش أقل من قناة الفراعين
طالما الفوتوشوب موجود
والتزييف ملوش حدود
فعادى نركب ونمشى مع التيار
وياللا عدى يا حمار
طريقك أخضر مفهوش غبار
بس ما تزعلش لما تتركب
وترجع تقول يا ثورة يا ثوار
