داخل كتب التاريخ رجال ليسو برجال

عااادى يعنى لما عبد الناصر يمحى اسم محمد نجيب من كتب التاريخ و يحطه تحت الإقامة الجبيرية و يقول على نفسه أول رئيس بعد ثورة 52 كذبا ونفاقا و تدليسا و وطمسا لمعاليم تاريخ وطن ....وبرده عادى جدااا لما من بعده مبارك يمحى صور و إنجازات الفريق سعد الدين الشاذلى من كتب التاريخ و من وثائق ال حرب ويقول على نفسه انه صاحب قرار الضربة الجوية كذبا ونفاقا و تدليسا وطمسا للتاريخ ..... وبين هذا وذاااك  يبقى التاريخ صامدا شامخا وتبقى حبات الرمال شاهدة على مواقف الرجال مهما قست عليا الرياح و نالت منها قطرات المطر ...
لا أشك أن يأتى احمد شفيق ليقول انه قائد ثورة 25  يناير و انه هو نفسه قد أصيب فى يوم الغضب

حلم الحياة

أحلام الصباح تطير مثل فراشة يانعة مزدهرة بالألوان ومفعمة بالنشاط والحيوية تملأ الدنيا حياة وأمل ،تفوح منها رائحة العطر ،ترسم الدنيا ربيعا فى أحلك أيام الشتاء، ترقص كنسمات الهواء العليل فى أحر أيام الصيف ، أحلام الأمل والبناء والتقدم والرقى و الجمال و الإبداع ،أحلام وطن يعيش بداخلنا أكثر مما نعيش بداخله ،أحلام نرى فيها واقعنا من سيء جدا إلى جيد جدا مع مرتبة الشرف . من منا لا يمر بتلك اللحظات الحالمة حين تشعر بكل طاقات العالم قد دبت فى عقلك وجسدك و تملكت روحك ،وتفجرت بداخلك ينابيع الحياة بروائحها الزكية ...... وفى أوج تلك اللحظات ومن سوء الحظ العثر تأتى عراقل الدنيا كلها لتقف فى وجه تلك اللحظة ،نعم هى خارجة عن إرادتك ولكن لا مفر من مواجهتها ،مثل مطبات وضعها لك من لا يريدون منك التقدم سريعا فى طريقك،، منها من يبطء سرعتك فقط وتنجح فى تخطيها ومنها مطبات تكسر ظهرك ،توقف قطار أحلامك ، تصيبك بالإحباط واليأس ، تتبخر أحلامك ، تضعف عزيمتك وقوة إرادتك ، تقتل زهرة أفكارك ، تقضى على حماستك ،تنهى بداخلك عن كل ما هو جميل ولا تدع مجالا للحياة من جديد ،،،، تظل أحلام ولدت ثم قتلت قبل ان تستمتع بها كحقيقة ملموسة ، لم يعد لها أثرا ،،،،، ما زالت أحلام متفرقة حائرة تنتظر منك لتحييها من جديد لعلك تلملم جراحك سريعا و تجمع قواك الخائرة لتعود أقوى مستعد لمواجهة عراقيل قادمة ستكون أشد وأعتى من ذى قبل ،،،،،الأهم من ذلك أن تستمر فى بناء أحلامك ولا تستسلم „„„ لو بطلنا نحلم نمــــــــــــــــــــــوت

اعتذر منك يا شهيد

حاسة بإحباط شديد ... فراغ ..ضياع الحلم .. مرسى و شفيق ؟؟؟؟!!!!!! ليه وازاى و عشان ايه ويرضى مين دا يارب !!! عملنا ثورة ومات فيها شهداء كتير و اتبهدلنا عشان نتخير ما بين المرشد يحكمنا ولا المشير ؟؟؟؟
كنت موجودة فى اعتصام محمد محمود .. اللى هو كان السبب فى تحديد معاد للانتخابات و تسليم السلطة بعد ما كانو بيتكلمو عن 2013
صحيح ما خدتش رصاصة  فى عينى و صحيح ماتسحلتش على الأرض و صحيح ما مموتش من ريحة الغاز و صحيح ما نزفتش أى نقطة دم من جسمى ... بس كنت هناك و شفت كل حاجة بعينى و شفت الإصرار فى عيون الشباب كنت بصرخ وأقول ارجعوا أرجوكم تعالو هنا عالميدان نقطة دم منكم اغلى مليون مرة من أتخن عسكرى خدام من  بتوع الداخلية .. لكن كان فى اصرار مش عادى على انتزاع الحق .. فعلا كلمة انتزاع هى الأمثل ... حاسين ان حقهم مجاش طب والله لناخده بايدينا و بروحنا و بدمنا ... ياااااااه أد ايه انتم  راضيين تضحوا بحياتكم عشانا .. آه لو احنا متنا هيضطروا ينفذوا مطالبنا !!!!!!!! منطق مذهل و يدعو للحيرة .. قمة التضحية و انكار الذات .. شيم الأبطال ...صحيح اللى قال يموت الأفضل ليبقى الأسوأ
وبعد كل دا يرجع ناسنا واهلنا و اخواتنا فى الوطن يختارو نفس الثعبان ليلدغ من جديد ...هم نفسهم اللى صوتو لشفيق هم بذاتهم اللى كانوا بشتموا فينا و بيصرخوا على شوية العيال ولاد ال... اللى فى التحرير .. خربتو البلد ضيعتونا .. كفاية بقى ..يا شوية عيال !!
الغلط عند مين مش فاهمة ... المصيبة بتاعة مين برده مش عارفة ..فين الغلط وفين الصح و ليه وصلنا للمرحلة دى  مبقاش عقلى قادر يستوعب ولا حاجة
مفيش قدامى غر ظلمة ..لون قاتم ... حلم ضااااااااع ... فكرة وطن عاش جوايا أكتر ما كنت بعيش جواه ...ماتت الفكرة ومات حواليها كل شيء حلو وجميل
مش قادرة أتخيل مصر و المرشد بيحكمها ... ومش قادرة أتخيل مصر و العسكر لسة حاكمينها ... ومش قادرة أتخل لو الجزء اللى ضد دا نزل الشارع والميادين و الجزء التانى اللى مع ده نزل عشان يقف فى وش الجزء الاولانى ؟!!!!! هو ايه دا ! احنا فين ! احنا مييين !!!
يـــــــــــــــــــــــــــــــــــــــــــــــــــارب البلد دى آمنة وهتفضل آمنة عشان انت قلت كده فى كتابك الكريم .. يارب متسيبناش وخليك معانا ولاتؤاخذنا بما فعل السفهاء منا
كتب التاريخ علمتنا ان مصر بعد كل فترة حضارة ورخاء كانت بتمر بفترة عصيبة و سيئة ..أكيد هى الفترة اللى بنعيشها يعنى الحضارة والرخاء جاييين ..أكيد إن شاء الله ... إن بعد العسر يسرا
نفسى بس أقول للشهد انا آسفة أنا والله كنت معاك فى نفس المكان اللى انت مت فيه ... مش نفسه أوى .. بس أنا بحبك وواثقة انك بتحب مصر زيى وأكتر .. سامحنى عشان مقدرناش نحققلك حلمك ... بس ان شاء الله الجاى أحسن
ماهو انت بدمك بتحرر وطن

لا للمقـــــــــــــــــــــــــاطعة

أعرف بعض من أصدقائى ممن سيقاطعون الإنتخابات المقامة بعد أسبوع من الآن ... و للأسف كلهم ذو عقلية ثورية مؤمنين كل الإيمان بالتغيير و إسقاط النظام بمعنى الكلمة
أتعجب كثيرا كيف لهم بطريقة التفكير هذه .. وهم من رأو الموت مرات ومرات ..هم من حملوا أصدقاء لهم أو غير أصدقاء سقطوا فى ميادين الحرية ... هم من تحملوا أعباء الكر والفر و رائحة الغاز المسيل للدموع و صوت إطلاق رصاص كثيف ... هم من نادوا باسقاط حكم العسكر و إقامة دولة مدنية مستقلة نعيش فيها جميعا محققين العيش والحرية والعدالة الإجتماعية والكرامة الإنسانية ..
وحين تأتى فرصة التحول من مرحلة انتقالية مليئة بالقتل والدماء وعدم الإستقرار إلى مرحلة جديدة وبداية عهد جديد ..أراهم ينسحبون و يمتنعون عن كل ذلك
منهم من لا يؤمن بالشفافية والنزاهة .. منهم من يعتقد أن دماء الشهداء أطهر من كل تلك التفاهات ...ومنهم من يؤمن ان مصر الثورة أكبر من كل هؤلاء المرشحين ...
ولكن ماذا بعد ؟؟؟؟ هل نتخلى عن احلام سقط من اجلها أطهر شباب ,,, هل نتوقف عند حد مطالب بديهية قامت من اجلها الثورة ام نسعى لاتخاذ اول خطوات التنفيذ ؟؟؟ منذ متى وطريق الحرية ملىء بالورود ؟؟ منذ متى و طريق الإصلاح هين ويسير ؟؟؟
فما بالك بعالم السياسة البطىء .. وطرقه الملتوية وألاعيبه الغير نظيفة ..
دعونا جميعا نتحرك للأمام معا .. ندفع بوطننا دفعا لتعديل مساره .. نحارب جميعا فى هدوء و سكينة ..بدون قتل بدون حرق بدون تدمير ولا تخريب ولا عودة إلى الخلف ... دعونا نؤمن بأنفسنا .. كنا نظن أن الحياة ماتت بداخل كل منا ولكن حين آمن كل بداخله تحقق المراد ..
الفرصة ما زالت امامنا لنزرع معا ونجنى حصاد ما زرعناه ... ما زال الأمل قائما وسيظل
أظن أن من شهد على هذه الثورة وشارك فيها وآمن بكل أهدافها ... ثم حانت لحظة مجيدة  سالت من اجلها دماء طاهرة انتظرناها بشغف ولم يشارك فيها ..... فسيفقد صفة الثورية عن نفسه  و يستبدلها بالثورجية
الثورية هى التى تثور و تبنى ... اما الثورجية فهى الإنتفاضة الهوجاء وسط الزحام و الهرج والمرج وحين يأتى موعد البناء يختفى الثورجيون تماما عن المشهد بل ويحاولون تحطيم الآمال و تثبيط الهمم البناءة...
آمل أن ينظر كل شخص بداخل نفسه جيدا و يصنف نفسه هل انا ثورى أم ثورجى !!

رحلة سفر

رحلة سفر طويلة كانت او قصيرة ..
احمل فيها أمتعتى وأشيائى الكثيرة..
أحـــــــلام وأوهام وذكريات مريرة..
لا أدرى هل أعود يوما أم أبقى كالأسيرة ؟

لكن فؤادى يأبى فكرة الرحيل ...يناشدنى الانتظار
يخشى من هروب طويل  فأنا من هواة الإستقرار

سألت نفسى عنها سؤال الغريب
فلم تجبنى وألحت علي بالطبيب
يداوى جراحى و حالى الكئيب
فلا هى تشفى ولا انا أطيب

لم يعد هناك وقتا للتفكير
ولا مجالا للتراجع أو التحيير
فقط أودع ذكرياتى وأسير
لعلى أجد فى سفرى بعض التغيير