فى حاجات كتير بتحصل قدامنا كل يوم و بتكون مش راضى عنها بس فى نفس الوقت مش عارف تعمل ايه و تتصرف ازاى فى مقابل ده ... اللى متاكده منه ان الحالة الاخلاقية عند الشعب المصرى فى تدنى واضح حتى لو بنسبة قليلة بس النسبة دى منتشرة و بتدى انطباع عن فكرة التعميم ... وزى ما بيقولو السيئة تعم والحسنة تخص
طيب بالشكل دا هنحارب الانحطاط دا ازاى ؟؟ طب لو دا منهج بيدعى ليه و فيه منبر ينشر من خلاله ؟؟ كده المشكلة بقت اكبر
سمعت فكرة حلوة اوى قالها الحبيب على الجفرى وهى لو مثلا كنت فى مسجد و الخطيب اتكلم بمنهج تشددى و أسلوب تحريضى وبيتكلم باسم الدين مستغل المنبر و المسجد والجمع الموجود , هنا لازم يكون فى رد فعل عند المتلقى .. انسحب فورا من المسجد بعدها غيرك هينسحب والتالت والرابع .. الطبيعى والمنطقى ان الأغلبية هتنسحب حتى لو غيرك قرر انه يسمع لكن الرسالة هتوصل و لو اتكررت تانى هتتصرف نفس التصرف ساعتها هيفهم الجميع ان الأسلوب والمنهج دا مرفوووووووووووووض
فكرة المقاومة الإيجابية .. ممنوع السكوت لازم يكون الصوت واضح ومسموع ..طول ما السلبية موجودة احنا بندى فرصة أكبر للطرف المتطرف يعمل ما بداله
كنت مرة فى المترو واقفة مستنية ع الرصيف وجنبى محموعة سيدات و معاهم بنت عمرها لايتعدى 14 سنة تخينة شويتين ولا بسة جينز وفجأة ظهر عمال النظافة راجل عجوز و بدأ يقرب من السيدات و يبص على البنت بطريقة غريبة من الخلف و ينزل راسه تحت بشكل غير اخلاقى طبعا الست الكبيرة بصتله بتقوله فى حاجة يا أستاذ .. بدا يتراجع خطوة بابتسامة صفرا و يرجع تانى يبص على البنت بنفس الطريقة الشاذة ...أنا هنا جه دورى مقدرتش أستحمل برغم انى جسمى صغير وآخرى يدونى ثانوية عامة بس استرجلت فجأة و قربت منه و خشنت صوتى و قلتله بصوت عالى فى حاجة يا كابتن ؟؟ واقف هنا ليه عند عربية السيدات ؟؟اتفضل من هنا لو سمحت ... وفعلا الراجل خاف و مشى بعيد زى اللى عامل عمله ...حسيت فى اللحظة دى بمعنى الايجابية (للأسف )
الفكرة هنا فى المقاومة زى بالضبط فى ماتشات الكورة لما الجمهور بيزووووم على اللعبة الوحشة ولما بيشوف فريقه مش مقدروجوده وتشجيعه كجمهور بيدى ضهره للملعب .. إعتراض راقى و الرسالة بتوصل
موضوع التحرش مثلا دا لو كل واحد بطل يكون شاهد ماشفش حاجة و قرر يعمل رد فعل ايجابى هيجيب المتحرش من قفاه (لامؤاخذة ) و يكرهه فى اللحظة اللى شيطانه وسوس له فيها
الموضوع محتاج ثورة والثورة دايما بيقوم بيها القلة المندسة ... ثورة على كل الأوضاع المخلة ... ثورة لترسيخ المبادىء ولو مجتش بالإحترام هتيجى بالقوة ... ثورة داخلية يتم لفظ كل من يعارض القيم و التعدى على الآخر باللفظ او الفعل أو الإيماء أو التجريح ,,,
طب قادرين نعمل ده ؟؟؟ أيييييييييوة قادرين طالما عايزين نعمل activation للجزء الإيجابى بداخلنا
طيب بالشكل دا هنحارب الانحطاط دا ازاى ؟؟ طب لو دا منهج بيدعى ليه و فيه منبر ينشر من خلاله ؟؟ كده المشكلة بقت اكبر
سمعت فكرة حلوة اوى قالها الحبيب على الجفرى وهى لو مثلا كنت فى مسجد و الخطيب اتكلم بمنهج تشددى و أسلوب تحريضى وبيتكلم باسم الدين مستغل المنبر و المسجد والجمع الموجود , هنا لازم يكون فى رد فعل عند المتلقى .. انسحب فورا من المسجد بعدها غيرك هينسحب والتالت والرابع .. الطبيعى والمنطقى ان الأغلبية هتنسحب حتى لو غيرك قرر انه يسمع لكن الرسالة هتوصل و لو اتكررت تانى هتتصرف نفس التصرف ساعتها هيفهم الجميع ان الأسلوب والمنهج دا مرفوووووووووووووض
فكرة المقاومة الإيجابية .. ممنوع السكوت لازم يكون الصوت واضح ومسموع ..طول ما السلبية موجودة احنا بندى فرصة أكبر للطرف المتطرف يعمل ما بداله
كنت مرة فى المترو واقفة مستنية ع الرصيف وجنبى محموعة سيدات و معاهم بنت عمرها لايتعدى 14 سنة تخينة شويتين ولا بسة جينز وفجأة ظهر عمال النظافة راجل عجوز و بدأ يقرب من السيدات و يبص على البنت بطريقة غريبة من الخلف و ينزل راسه تحت بشكل غير اخلاقى طبعا الست الكبيرة بصتله بتقوله فى حاجة يا أستاذ .. بدا يتراجع خطوة بابتسامة صفرا و يرجع تانى يبص على البنت بنفس الطريقة الشاذة ...أنا هنا جه دورى مقدرتش أستحمل برغم انى جسمى صغير وآخرى يدونى ثانوية عامة بس استرجلت فجأة و قربت منه و خشنت صوتى و قلتله بصوت عالى فى حاجة يا كابتن ؟؟ واقف هنا ليه عند عربية السيدات ؟؟اتفضل من هنا لو سمحت ... وفعلا الراجل خاف و مشى بعيد زى اللى عامل عمله ...حسيت فى اللحظة دى بمعنى الايجابية (للأسف )
الفكرة هنا فى المقاومة زى بالضبط فى ماتشات الكورة لما الجمهور بيزووووم على اللعبة الوحشة ولما بيشوف فريقه مش مقدروجوده وتشجيعه كجمهور بيدى ضهره للملعب .. إعتراض راقى و الرسالة بتوصل
موضوع التحرش مثلا دا لو كل واحد بطل يكون شاهد ماشفش حاجة و قرر يعمل رد فعل ايجابى هيجيب المتحرش من قفاه (لامؤاخذة ) و يكرهه فى اللحظة اللى شيطانه وسوس له فيها
الموضوع محتاج ثورة والثورة دايما بيقوم بيها القلة المندسة ... ثورة على كل الأوضاع المخلة ... ثورة لترسيخ المبادىء ولو مجتش بالإحترام هتيجى بالقوة ... ثورة داخلية يتم لفظ كل من يعارض القيم و التعدى على الآخر باللفظ او الفعل أو الإيماء أو التجريح ,,,
طب قادرين نعمل ده ؟؟؟ أيييييييييوة قادرين طالما عايزين نعمل activation للجزء الإيجابى بداخلنا
ليست هناك تعليقات:
إرسال تعليق