بيقولو
فى سنة فاتت
ياترى
قلت من العمر ولا زادت
عن نفسى
حسيتها ضاعت
ضاعت
عشان ناس كتير ماتت
بلا
هدف ولا قضية ولا حتى للحق نالت
ضاعت
عشان الوحدة الوطنية غابت
ومبادىء
وقيم كتير تاهت
والجانى
كان مجرد طرف تالت
أولها
كان نضال متلون
بدم و زحمة ناس بتطالب بالقصاص
واوسطها
طوابير طوال بتختار بين صانع الدم و صانع
فكرة الخلاص
وبعد
ما الليمون سال ونزلت تترات النهاية لعلها ختام المسك والألماس
زادت
آخر أيامها اشتعال أطفال ماتت بين قضبان الحديدوالميكروباص
و
دستور وإعلان وكلام عيال وحرب شوارع قدام
القصر ووسط الحراس
من تانى
الدم سال ومن تانى ناس بتقول قصاص
أما
عن احوال السنة الجديدة
فيارب
تكون حوادتيها سعيدة
من غير
دم ولا سيوف ولا تشكيك فى العقيدة
كلنا
وطن واحد مهما الرؤى كانت عديدة
مش مهم
اختلافها لكن مهم تكون آراء سديدة
ليست هناك تعليقات:
إرسال تعليق