غدر الزمان

فى القلب غصة مداها مايتوصفش
حتى الكلام ماله ما بيتكتبش
والآهة طالعة تحرق الهوا
بالدموع اترسم مجرى سيل ما بيتوقفش
ياقلب مال جدرانك زاد عددها
شرايينك كمان اتغير لونها
كإن حياتك لحد هنا كتابها انطوى
منعت الدخول
وبيبانك وراها ألف باب مقفول
وكل قفل من جوة مسدود
لإمتى هتفضل عايش ومش عايش , لأ مش مقبول
ولا مسموح , مش هتروح
قبل ماتسلم الرسالة للمولود
مايمكن يكون هو الباب الكبير
حياة جوة حياة وروح جوة روح
اسمع ياقلبى صوت الريح ويا العصافير
من بعيد فى صوت حمام عمال ينوح
سمعت ولا البيبان على الودن كمان
طب حس , بس فرق بينها وبين الزعيق
والنهيق والرصاص وغدر الزمان
‫