بسببهم مصر ركعت

كان يا ما كان فى زمن من  الأزمان
كان فى شوية أمريكان على شوية ألمان
اتمسكو فى قضية تمويل دولارات لمنظمات حقوق الإنسان
مع ان السلطة كانت عارفة وساكتة من زمان
بس قالو نضرب عصفورين بحجر جامد و مليان
قالك قبضنا عالعملاء وهم بيقسمو فى الوطن الغلبان
جنوبه يتنصر و شرقه يتهود وغربه يتأمرك وشماله يبقى عريان
وطلعو بشوية شعارات هنا وهناك وفى كل مكان
قال ايه مش هنركع لاوباما حتى لو كان حبيب سامى عنان
طبعا هم مسكتوش على عيالهم اللى ممنوعين يسافرو وعلييهم حراس كمان
تهديد ووعيد وقطع للمعونة و هنخرب بيوتكو علىيكو رجالة ونسوان
اترسم الدور ياعينى ومشيت الليلة عالمصرى الغلبان
افتكر ان ايام العزة رجعت وان المصريين جدعان
افتكر لما انضرب واتشتم وعلى الحدود اتهان
قال خلاص.. قامت لنا قومة من تانى ومن الليلة مفيش هوان
وصحى الصبح على خبر مفزع نقلته  ليه الغربان
طارت الطيارة وعليها الامريكان
وطار معاها الامل  وضاعت كل الالوان
مش فاضل غير الاسود  مالى العيون والأذهان
مصر قالت مش هتركع بس ركعت للأمريكان
ولسةالمصرى الغلبان صابر بس للصبر حدود وأركان